Gjimnazi 'Sami Frashëri', Tiranë

Mbikëqyrje teknike e rindërtimit të gjimnazit 'Sami Frashëri' në Tiranë, një nga shkollat ikonike të kryeqytetit. Pas tërmetit të 26 nëntorit 2019, ndërtesa origjinale e viteve '60 u shemb dhe u zëvendësua me një objekt të ri më të madh, të projektuar nga SOA Architecture.

Zenit&Co siguroi mbikëqyrjen e plotë të punimeve të ndërtimit, kontrollin e cilësisë në çdo fazë dhe verifikimin e zbatimit në përputhje me projektin arkitektonik dhe specifikimet teknike. Objekti përmban 49 klasa, laboratorë në katin e bodrumit, sallë sportive olimpike, bibliotekë dhe auditore.

Shkolla u përurua në shtator 2022 dhe dyfishoi kapacitetin e mëparshëm, duke u rritur në 1.500 nxënës. Klienti ishte Bashkia Tiranë.