Parkimi Nëntokësor, Sheshi 'Frederik Shopen', Tiranë

Projektim i parkimit nëntokësor me dy kate në sheshin 'Frederik Shopen' në Tiranë. Projekti adreson nevojën akute për kapacitet parkimi në zonën qendrore të kryeqytetit, duke ruajtur njëkohësisht hapësirën e gjelbër në sipërfaqe.

Studio jonë përgatiti projektin e plotë të zbatimit duke përfshirë dy nivelet nëntokësore për parkim makinash dhe autobusësh, hyrjet dhe daljet, sistemet e ventilimit dhe sigurisë, si dhe rikonfigurimin e plotë të hapësirës mbi tokë.

Sipër parkimit, sheshi i ri integron parkun urban me shtigje këmbësore, zona të qetësimit, ulëse dhe gjelbërim të dendur — duke krijuar një oazë publike në qendër të Tiranës.